23 мая, Мінск /Кар. БЕЛТА/. Анамальная гарачыня ўсталявалася на тэрыторыі Пакістана, за трое сутак у краіне загінулі 65 чалавек, паведамляюць інфармагенцтвы.
У буйнейшым горадзе Пакістана Карачы слупок тэрмометра падняўся да 44 градусаў па Цэльсіі. Сітуацыю пагаршаюць перабоі ў падачы электраэнергіі, а таксама пост у месяц Рамадан, у час якога большасць мусульман адмаўляецца ад ежы і піцця ў дзённы час.
Улады асцерагаюцца, што колькасць ахвяр будзе павялічвацца. Так, у 2015 годзе з-за гарачыні ў адным толькі горадзе Карачы загінулі больш за 1,3 тыс. чалавек.-0-