13 кастрычніка, Мінск /БЕЛТА - ТАСС/. Ратавальнікі лакалізавалі пажар, які ўзнік ноччу ў гандлёвым цэнтры "Перспектыва" ў Чэхаве (Расія), паведамілі ў прэс-службе ГУ МНС па Маскоўскай вобласці.
"У 2.20 па маскоўскім часе пажар лакалізаваны на плошчы 3 тыс. кв.м", - праінфармавалі ў прэс-службе.
Тэрыторыя каля гандлёвага цэнтра на вул. Паліграфістаў ачэплена.
Паводле папярэдніх даных, у выніку пажару пацярпелых няма.
Позна вечарам 12 кастрычніка відавочцы паведамілі аб задымленні ў гандлёвым цэнтры "Перспектыва", размешчаным у горадзе Чэхаў. Дым валіў з салона па продажы запчастак. На момант прыбыцця ратавальнікаў агонь распаўсюдзіўся практычна на ўвесь будынак, а едкі дым змяніўся адкрытым полымем. Для тушэння былі задзейнічаны некалькі экіпажаў. Побач з гандлёвым цэнтрам размешчана аўтазаправачная станцыя, таму першачарговай задачай пажарных разлікаў было недапушчэнне яе ўзгарання.-0-
