26 ліпеня, Мінск /Кар. БЕЛТА/. Рэжым надзвычайнай сітуацыі аб'яўлены з-за паводкі ў нямецкім раёне Гослар, цэнтрам якога з'яўляецца аднайменны горад з насельніцтвам 50 тыс. чалавек, паведамляе ТАСС.
Прычынай паводкі сталі зацяжныя дажджы, якія абрушыліся на шэраг рэгіёнаў Германіі. Цяпер цэнтральныя вуліцы Гослара поўнасцю затоплены. З гарадскіх атэляў эвакуіруюць пастаяльцаў.
Ва ўладзе стыхіі апошнія дні апынуліся федэральныя землі Ніжняя Саксонія, Саксонія-Анхальт і Цюрынгія. Як паведамляе Deutsche Welle, пажарныя і супрацоўнікі службы тэхнічнай дапамогі 25 ліпеня перакрывалі дарогі, выпампоўвалі ваду з будынкаў і рабілі загароды з мяшкоў з пяском. Асабліва моцна пацярпеў Гановер і яго паўднёвыя прыгарады.-0-
