26 верасня, Мінск /Кар. БЕЛТА/. Станцыя "Таўэр Хіл" лонданскага метро была эвакуіравана пасля таго, як у поездзе падземкі ўзарвалася зараднае ўстройства тэлефона. Аб гэтым паведамляе The Independent.
Паводле даных лонданскай пажарнай брыгады, узрыў быў невялікі. Людзі былі эвакуіраваны ў мэтах засцярогі.
Раней, 15 верасня, у метро Лондана на станцыі "Парсанс Грын" прагрымеў узрыў, пацярпелі амаль 20 чалавек. Узарваўся белы кантэйнер, які быў пакінуты ў пакеце каля дзвярэй вагона метро. Паліцыя кваліфікавала ўзрыў як тэракт.-0-
