25 ліпеня, Мінск /Кар. БЕЛТА/. Гарачыня, што ўсталявалася на значнай тэрыторыі Японіі, за тыдзень забрала жыцці шасці чалавек, больш як 6,3 тыс. былі шпіталізаваны з цеплавым ударам, паведамляюць інфармагенцтвы.
Паводле даных медыкаў, часцей за ўсё па дапамогу ў бальніцы звярталіся жыхары Токіа, вострава Хакайда, а таксама прэфектур Осака, Аіці, Хіёга, Фукуока і Сайтама. Большасць пацярпелых - людзі пажылога ўзросту.
Жыхарам раяць піць шмат вады, пазбягаць працяглых прагулак пад сонцам, насіць галаўныя ўборы. Сіноптыкі прагназуюць, што ў бліжэйшыя некалькі дзён гарачыня ў рэгіёне захаваецца.-0-