21 жніўня, Мінск /Кар. БЕЛТА/. Колькасць загінулых турыстаў з-за паводкі ў італьянскай вобласці Калабрыя ўзрасла да 11 чалавек, прыкладна 10 атрымалі раненні, паведамляе брытанскае інфармацыйнае агенцтва Reuters.
Раней паведамлялася аб пяці загінулых. Усе яны ўваходзілі ў турыстычную групу, якая даследавала цясніны і каньёны ў нацыянальным парку.
Паводле апошніх даных, 23 турысты былі выратаваны. Па меншай меры 5 чалавек прапалі без вестак. Паліцыя мяркуе, што пацярпець магло значна больш людзей, паколькі не ўсе турысты рэгістраваліся і наведвалі цясніну з афіцыйнымі гідамі.
Цяпер у цясніне праводзіцца пошукава-выратавальная аперацыя.-0-
