22 мая, Мінск /Кар. БЕЛТА/. У індыйскім штаце Керала дзевяць чалавек загінулі, яны заразіліся вірусам Ніпах, ад якога не існуе вакцыны, паведамляе ВВС.
Паводле даных улад, з сімптомамі віруса ўжо шпіталізаваны 25 чалавек. Іх лячэнне зведзена толькі да падтрымліваючай тэрапіі.
Мясцовыя ўлады прымаюць меры, каб не дазволіць хваробе распаўсюдзіцца.
Вірус Ніпах (NIV) здольны выклікаць цяжкую хваробу, для якой характэрны запаленне мозгу або рэспіраторныя захворванні. Прыродныя пераносчыкі віруса - лятучыя лісіцы, блізкія сваякі кажаноў, якія харчуюцца садавінай. Паводле статыстыкі, ад віруса паміраюць 70 працэнтаў захварэўшых.-0-