8 верасня, Мінск /Кар. БЕЛТА/. У Фларыдзе часова зачыняюць установы для размяшчэння ў іх пацярпелых ад урагану "Ірма", паведамляюць інфармагенцтвы.
З пятніцы да панядзелка ўключна ў штаце зачыняюцца школы, ВНУ і ўстановы, каб забяспечыць максімальную колькасць памяшканняў для размяшчэння людзей і складзіравання прадметаў першай неабходнасці.
У Фларыдзе пражываюць больш як 20 млн чалавек. Быць гатовымі да эвакуацыі ўлады заклікаюць кожную сям'ю.
Ураган пятай катэгорыі "Ірма" рухаецца ўздоўж астравоў Карыбскага басейна, чакаецца, у выхадныя можа дасягнуць узбярэжжа Фларыды. У Фларыдзе і прылеглых штатах аб'яўлены рэжым надзвычайнага становішча, у шэрагу раёнаў аб'яўлена таксама эвакуацыя.
Надзвычайнае становішча аб'яўлена і на Віргінскіх астравах.
Ураган "Ірма" дасягнуў максімальнай пятай катэгорыі, яго лічаць больш магутным, чым "Харві", які абрушыўся на Тэхас у канцы жніўня.-0-
