31 жніўня, Мінск /Кар. БЕЛТА/. Адразу 36 аўтамабіляў сутыкнуліся ў бразільскім штаце Сан-Паўлу на аўтамагістралі недалёка ад горада Жакарэі. Як паведамляюць інфармагенцтвы, ахвярамі масавага ДТЗ сталі двое, больш за 20 чалавек пацярпелі.
Як мяркуецца, прычынай сутыкнення машын стала воблака дыму. Ва ўмовах недастатковай бачнасці вадзіцель грузавіка, які першым страціў арыенцір і не справіўся з кіраваннем, пратараніў некалькі аўто. На дарозе пачаўся хаос, у выніку праваахоўнікі налічылі 36 машын - удзельнікаў сутыкнення.
Некаторыя мясцовыя СМІ пішуць, што на месцы ДТЗ успыхнуў пажар, які праз некаторы час быў патушаны. На месцы здарэння працуюць ратавальнікі і паліцэйскія.-0-
