25 ліпеня, Мінск /Кар. БЕЛТА/. Прэзідэнт ЗША Дональд Трамп прапанаваў уладам Еўрасаюза адначасова са Злучанымі Штатамі адмовіцца ад мытных пошлін, гандлёвых бар'ераў і субсідый. Аб гэтым паведамляе ТАСС са спасылкай на запіс у Twitter кіраўніка Белага дома.
Трамп напісаў, што 25 ліпеня, калі прадстаўнікі ЕС прыедуць у Вашынгтон, у яго будзе для іх прапанова аб адмене ЗША і Еўрасаюзам усіх пошлін, бартараў і субсідый. На думку прэзідэнта ЗША, гэтыя меры прывядуць да свабоднага рынку і справядлівага гандлю.
Сёння Дональд Трамп правядзе ў Вашынгтоне перагаворы з кіраўніком Еўракамісіі Жан-Клодам Юнкерам. Эксперты разглядаюць гэту сустрэчу як апошнюю магчымасць для прадухілення поўнамаштабнай гандлёвай вайны паміж ЕС і ЗША.-0-