19 красавіка, Мінск /Кар. БЕЛТА/. Прэзідэнт ЗША Дональд Трамп падпісаў указ пад назвай "Купляй амерыканскае і наймай амерыканцаў" (Buy American and Hire American). Тэкст дакумента апублікаваны на сайце Белага дома, паведамляюць інфармагенцтвы.
У прыватнасці, указ прадугледжвае распрацоўку мер па больш строгім парадку выдачы рабочых віз іншаземцам. Міністэрствам юстыцыі, працы і нацбяспекі даручана распрацаваць меры па змяненні парадку выдачы амерыканскіх рабочых віз H-1B, каб пазбегнуць "махлярства і злоўжыванняў". На думку амерыканскага лідара, цяпер такія візы выдаюцца "абсалютна выпадковым метадам". "Яны павінны выдавацца найбольш высокакваліфікаваным і высокааплатным спецыялістам і ніколі не павінны выкарыстоўвацца для замены амерыканцаў", - падкрэсліў Дональд Трамп.
Акрамя таго, падпісаны дакумент накіраваны на павелічэнне долі вырабленых у ЗША тавараў у дзяржаўных закупках урадавымі структурамі. Разам з тым кіраўніцтва дзяржведамстваў зможа перагледзець дамоўленасці з замежнымі пастаўшчыкамі, калі ў іх пазначана набыццё вельмі вялікіх аб'ёмаў замежных тавараў. Акрамя таго, указ дазваляе амерыканскім кампаніям прадаваць тавары ўрадам гандлёвых партнёраў ЗША на тых жа ўмовах, што і замежныя фірмы на ўнутраным рынку.-0-
