26 мая, Мінск /Кар. БЕЛТА/. Дональд Трамп набраў колькасць галасоў дэлегатаў, неабходную для вылучэння ў прэзідэнты ЗША ад Рэспубліканскай партыі, паведамляюць інфармагенцтвы.
Паводле існуючых у СМІ даных, Дональд Трамп мае падтрымку 1 238 дэлегатаў (мінімальная колькасць галасоў павінна была скласці 1 237). Такім чынам, ён забяспечыў сабе аўтаматычнае вылучэнне ў прэзідэнты. На пасаду кандыдата ў прэзідэнты ад Рэспубліканскай партыі ў ходзе перадвыбарнай кампаніі прэтэндавалі 17 чалавек. Аднак пазней усе апаненты Дональда Трампа знялі свае кандыдатуры.
Афіцыйна Дональд Трамп павінен быць вылучаны ў прэзідэнты на з'ездзе Рэспубліканскай партыі, які пройдзе ў ліпені.
Выбары прэзідэнта ў ЗША пройдуць 8 лістапада.-0-