24 мая, Мінск /Кар. БЕЛТА/. Прэзідэнт ЗША Дональд Трамп накіраваў лідару КНДР Кім Чэн Ыну пісьмо, у якім адмовіўся ад правядзення двухбаковага саміту ў Сінгапуры 12 чэрвеня, паведамляецца ў Twitter Белага дома.
У пісьме Дональда Трампа, у прыватнасці, гаворыцца, што рашэнне адмовіцца ад саміту было прынята "з-за адкрыта варожых выказванняў", якія прагучалі ў апошняй заяве Кім Чэн Ына.
Прэзідэнт ЗША таксама адзначыў, што гатовы да правядзення двухбаковай сустрэчы з лідарам КНДР у будучым.
Раней Дональд Трамп анансаваў сустрэчу з Кім Чэн Ынам у Сінгапуры 12 чэрвеня. У сваю чаргу Кім Чэн Ын заяўляў, што разлічвае на пазітыўныя змяненні па выніках сустрэчы з Дональдам Трампам. Ён лічыў, што гэта стане гістарычным крокам.-0-