Сцяг Пятніца, 29 сакавіка 2024
Усе навіны
Усе навіны
У свеце
18 чэрвеня 2019, 09:53

Трамп аб'явіў аб масавай дэпартацыі нелегальных мігрантаў на наступным тыдні

18 чэрвеня, Мінск /Кар. БЕЛТА/. Прэзідэнт ЗША Дональд Трамп аб'явіў аб тым, што масавая дэпартацыя нелегальных мігрантаў пачнецца на наступным тыдні. Аб гэтым паведамляе ТАСС са спасылкай на яго твітар-акаўнт.

"На наступным тыдні іміграцыйная і мытная паліцыя ЗША пачне працэс дэпартацыі мільёнаў нелегальных іншаземцаў, якія незаконна праніклі ў Злучаныя Штаты. Яны будуць высланы гэтак жа хутка, як і прыйшлі", - напісаў Трамп. Амерыканскі прэзідэнт таксама паведаміў аб гатоўнасці Гватэмалы падпісаць пагадненне аб прыстанішчы для грамадзян трэціх краін. Гэта пагадненне прадугледжвае атрыманне прыстанішча мігрантамі ў кране іх першага ўезду.

Дональд Трамп вітаў узмацненне іміграцыйных законаў уладамі Мексікі, дзеянні якіх у гэтай сферы ён нядаўна крытыкаваў. У адпаведнасці з пагадненнем, заключаным у Вашынгтоне 7 чэрвеня, Мексіка прымае меры, каб спыніць нелегальную іміграцыю ў ЗША. Для гэтага ўлады рэспублікі размесцяць падраздзяленні сваёй Нацыянальнай гвардыі на паўднёвай граніцы, а таксама будуць змагацца з арганізацыямі, якія займаюцца гандлем людзьмі.-0-

Падпісвайцеся на нас у
Twitter
Топ-навіны
Свежыя навіны Беларусі