Мабільная версія
ДЗЯРЖОРГАНЫ
Апошнія навіны
Усе навіны

Time апублікаваў топ-100 самых уплывовых людзей свету

У свеце 20.04.2018 | 15:53
Дональд Трамп. Фота з архіва
Дональд Трамп. Фота з архіва

20 красавіка, Мінск /Кар. БЕЛТА/. Амерыканскае выданне Time склала свежы рэйтынг топ-100 самых уплывовых людзей свету. Спіс апублікаваны на сайце часопіса.

Рэйтынг Time не прысвойвае пэўныя месцы, але падзяляе сотню самых уплывовых людзей на катэгорыі: "наватары", "лідары", "мастакі", "іконы" і інш.

У катэгорыі "лідары" прадстаўлены Дональд Трамп, Эмануэль Макрон, Сі Цзіньпін, Кім Чэн Ын. Таксама ў гэту катэгорыю трапілі прэм'ер-міністр Канады Джасцін Трудо, прынц Вялікабрытаніі Гары са сваёй нявестай Меган Маркл і інш.

Сярод самых уплывовых дзеячаў мастацтваў названы актрысы Ніколь Кідман, Галь Гадот, акцёр Х'ю Джэкман, рэжысёры Гільерма дэль Тора і Грэта Гервіг, тэлевядучы Джымі Кімел і інш.

Таксама трапілі ў спіс тэлевядучая Опра Уінфры і вынаходнік Ілан Маск.

Акрамя таго, у рэйтынгу фігуруе падлетак: 14-гадовая актрыса Мілі Бобі Браўн, якая выканала ролю дзяўчынкі Ілэвэн у серыяле "Вельмі дзіўныя справы". Сярод "наватараў" - камедыйная актрыса Тыфані Хедзіш, рэп-спявачка Cardi B, алімпійская чэмпіёнка Хлоі Кім і інш.

У спіс увайшлі таксама швейцарскі тэнісіст Роджэр Федэрэр, індыйскі ігрок у крыкет Вірат Кохлі, амерыканскія фігурыст Адам Рыпан і баскетбаліст Кевін Дзюрант, ігрок "Х'юстана" Джэй Джэй Уот.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Аршанскі раён Аршанскі раён знаходзіцца на паўднёвым усходзе Віцебскай вобласці. Адміністрацыйны цэнтр - горад Орша з насельніцтвам 115 тыс. чалавек.