17 жніўня, Мінск /Кар. БЕЛТА/. Тайфун "Румбія" абрушыўся на Шанхай: эвакуіраваны амаль 53 тыс. чалавек, паведамляе інфармагенцтва "РІА Навіны".
Трапічны тайфун дасягнуў шанхайскага раёна Пудун і прынёс праліўныя дажджы і шквальны вецер. Парывы ветру дасягаюць 23 м/с. Амаль 2,5 тыс. суднаў былі вымушаны вярнуцца ў порт.
У Шанхаі аб'яўлены павышаны ўзровень небяспекі ў сувязі з магчымымі паводкамі. Прагназуецца, што ліўні ў горадзе прадоўжацца да 18 жніўня, а трапічны шторм па меры перамяшчэння на паўночны захад паступова пачне слабець.
"Румбія" ўжо трэці па ліку тайфун, які абрушыўся на Шанхай у гэтым месяцы.-0-