26 красавіка, Мінск /Кар. БЕЛТА/. У Таджыкістане ўведзена пошліна для замежных турыстаў, якія наведваюць краіну, а таксама для грамадзян рэспублікі, што едуць за мяжу ад турыстычных кампаній, паведамляе мясцовае інфармагенцтва ASIA-Plus.
Адпаведныя папраўкі ў закон "Аб іншых абавязковых плацяжах у бюджэт" па прапанове ўрада прынята сёння ніжняй палатай парламента Таджыкістана.
Ад аплаты пошліны вызвалены ветэраны ВАВ, удзельнікі ліквідацыі наступстваў Чарнобыльскай АЭС, інваліды першай і другой груп, дзеці да 16 гадоў, а таксама дыпламаты.
Памер турыстычных пошлін будзе вызначаць урад краіны. Паводле некаторых даных, турысты павінны будуць плаціць па $1 за суткі.
Адзначаецца, што цяпер у Таджыкістане працуюць 145 турыстычных кампаній. Рэспубліку ў мінулым годзе наведалі больш за мільён замежных турыстаў.-0-