18 красавіка, Мінск /Кар. БЕЛТА/. Супрацоўнікі службы бяспекі ААН трапілі пад абстрэл у сірыйскім горадзе Дума, паведамляе тэлеканал Sky News са спасылкай на кіраўніка Арганізацыі па забароне хімічнай зброі (АЗХЗ) Ахмета Узюмджу.
Адзначаецца, што з-за абстрэлаў прыбыццё спецыялістаў АЗХЗ на месца магчымай хіматакі ў Думе давялося адкласці. Іншыя падрабязнасці пакуль не паведамляюцца.
Раней пастаянны прадстаўнік Сірыі пры ААН Башар Джаафары заявіў, што місія АЗХЗ зможа накіравацца да месца мяркуемага інцыдэнту ў сірыйскай Думе 18 красавіка. Напярэдадні, 17 красавіка, горад наведалі спецыялісты ААН па бяспецы.-0-