25 кастрычніка, Бішкек /БЕЛТА - Кабар/. Спікер Жагорку Кенеша (парламента) Кыргызстана Чыныбай Турсунбекаў сёння на пасяджэнні парламента склаў свае паўнамоцтвы.
"Сем гадоў я ў палітыцы. Быў лідарам фракцыі СДПК, выбраны тарага Жагорку Кенеша. Калі прыйшоў у партыю, яна была з канкрэтнымі ідэямі. Многае мы ажыццявілі, але не ўсё. Наш кыргызскі парламент займае высокае месца на міжнароднай арэне і актыўна праяўляе сваю дзейнасць. Мы змаглі паставіць мэту і змаглі выканаць яе", - сказаў Чыныбай Турсунбекаў.
Дэпутаты парламента прынялі рашэнне выбраць новага спікера.
Таксама сёння на пасяджэнні парламент падтрымаў кандыдатуру Даіра Кенекеева на пасаду намесніка прэм'ер-міністра Кыргызстана. Новы віцэ-прэм'ер падзякаваў усім дэпутатам за давер і падтрымку і паабяцаў прафесійна і справядліва выконваць свае абавязкі.
Папярэдні віцэ-прэм'ер Тэмір Джумакадыраў загінуў у ДТЗ 7 кастрычніка. Аўтамабіль віцэ-прэм'ера ўрэзаўся ў грузавік. У выніку аварыі таксама загінулі вадзіцель і памочнік віцэ-прэм'ера.-0-
