25 кастрычніка, Мінск /БЕЛТА - ТАСС/. Цэнтральны камітэт Камуністычнай партыі Кітая (ЦК КПК) 19-га склікання на першым пленуме перавыбраў Сі Цзіньпіна генеральным сакратаром ЦК КПК. Ён таксама выбраны старшынёй Ваеннага савета.
Сі Цзіньпін займае таксама пасаду кіраўніка дзяржавы - старшыні КНР.
Сі Цзіньпін займаў розныя адказныя пасады ў прыморскіх правінцыях Фуцзянь і Чжэцзян (на ўсходзе краіны), якія лічацца аднымі з самых эканамічна развітых у Кітаі. У кастрычніку 2007 года ён увайшоў у Пастаянны камітэт Палітбюро ЦК КПК, стаўшы адным з дзевяці яго членаў.
У 2008 годзе адбылося назначэнне Сі Цзіньпіна на пасаду намесніка старшыні КНР, у 2010 годзе ён стаў намеснікам старшыні Ваеннага савета ЦК КПК, а ў 2012 годзе ўзначаліў яго.
У лістападзе 2012 года на першым пленуме ЦК КПК 18-га склікання ён упершыню быў выбраны на пасаду генеральнага сакратара.-0-