1 ліпеня, Брусель /БЕЛТА - ТАСС/. Савет ЕС афіцыйна "прадоўжыў эканамічныя сектаральныя санкцыі супраць Расіі на шэсць месяцаў да 31 студзеня 2017 года". Аб гэтым гаворыцца ў распаўсюджанай сёння заяве Савета ЕС. Рашэнне аб гэтым афіцыйна ўступае ў сілу 2 ліпеня пасля публікацыі ў Афіцыйным часопісе ЕС.
"Савет ЕС прадоўжыў эканамічныя санкцыі, накіраваныя на асобныя сектары эканомікі Расіі на шэсць месяцаў да 31 студзеня 2017 года", - гаворыцца ў заяве. Гэта рашэнне мае толькі тэхнічны характар - палітычнае рашэнне аб прадаўжэнні санкцый было прынята 21 чэрвеня на пасяджэнні Камітэта ЕС на ўзроўні пастаянных прадстаўнікоў.
ЕС плануе правесці глыбокую дыскусію аб адносінах з РФ і далейшы лёс сваіх санкцый восенню бягучага года.-0-
