27 чэрвеня, Мінск /Кар. БЕЛТА/. Пасажырскі Boeing, на борце якога было 222 пасажыры і 19 членаў экіпажа, загарэўся ў час экстраннай пасадкі ў Сінгапуры, паведамляюць інфармагенцтвы.
Самалёт авіякампаніі Singapore Airlines павінен быў рухацца маршрутам Сінгапур - Мілан. Аднак пасля дзвюх гадзін палёту экіпаж заўважыў няспраўнасць і прыняў рашэнне вярнуцца ў сінгапурскі аэрапорт Чангі. Пры пасадцы правае крыло самалёта ахапіў агонь.
Пажарным удалося патушыць агонь за некалькі мінут. Пры гэтым ніхто з пасажыраў і членаў экіпажа не пацярпеў. Пасажырам прапануюць адправіцца ў Мілан іншым рэйсам.
Афіцыйная версія здарэння пакуль не агучваецца. Мяркуецца, што прычынай інцыдэнту магла стаць уцечка паліва. Гэту версію пацвярджае скарга адной з пасажырак на пах паліва ў салоне лайнера. Паводле другой версіі, ЧП здарылася з-за праблем з рухавіком.-0-
Фота Сіньхуа - БЕЛТА