6 лютага, Масква /Эдуард Півавар - БЕЛТА/. Дзеючы прэзідэнт Расіі Уладзімір Пуцін сёння зарэгістраваны кандыдатам на маючых адбыцца ў сакавіку прэзідэнцкіх выбарах. Адпаведная пастанова прынята сёння Цэнтрвыбаркамам РФ, паведамляе БЕЛТА.
"Цэнтральная выбарчая камісія пастанаўляе зарэгістраваць кандыдата на пасаду прэзідэнта РФ Уладзіміра Уладзіміравіча Пуціна", - пазначана ў пастанове ЦВК.
Паводле слоў кіраўніка ЦВК Элы Памфілавай, яшчэ пяць кандыдатаў паспяхова прайшлі этап праверкі подпісаў выбаршчыкаў: выяўлены працэнт несапраўдных подпісаў дазваляе іх зарэгістраваць. На гэты момант зарэгістраваны толькі два кандыдаты ад парламенцкіх партый: Павел Грудзінін (КПРФ) і Уладзімір Жырыноўскі (ЛДПР), у адпаведнасці з законам ім не трэба было збіраць подпісы ў сваю падтрымку. Такім чынам, у перадвыбарнай гонцы застаюцца восем кандыдатаў.
7 лютага ЦВК разгледзіць пытанне аб рэгістрацыі трох кандыдатаў у прэзідэнты: Рыгора Яўлінскага ("Яблоко"), Барыса Цітова ("Партыя росту") і Сяргея Бабурына ("Расійскі агульнанародны саюз"). Плануецца, што пытанне аб рэгістрацыі яшчэ двух кандыдатаў - Ксеніі Сабчак ("Грамадзянская ініцыятыва") і Максіма Сурайкіна ("Камуністы Расіі") будзе разгледжана Цэнтрвыбаркамам 8 лютага.
Выбары прэзідэнта РФ пройдуць 18 сакавіка.-0-
