Мабільная версія
ДЗЯРЖОРГАНЫ
Апошнія навіны
Усе навіны

Прэзідэнтам Сінгапура стала Халіма Якаб

У свеце 13.09.2017 | 09:53
Халіма Якаб. Фота AP
Халіма Якаб. Фота AP

13 верасня, Мінск /Кар. БЕЛТА/. Прэзідэнтам Сінгапура стала Халіма Якаб, паведамляюць інфармагенцтвы са спасылкай на заяву старшыні выбарчай камісіі Эн Вай Чуна.

Упершыню ў гісторыі краіны прэзідэнтам стала жанчына. Раней Халіма Якаб займала пасаду спікера парламента.

Сапернікамі Халімы Якаб у перадвыбарнай гонцы былі чатыры кандыдаты. Аднак двое не прайшлі на этапе падачы дакументаў, паколькі не былі выхадцамі з малайскай абшчыны, а ў адпаведнасці з прынятай у мінулым годзе пастановай удзельнічаць у кампаніі маглі толькі малайцы. Яшчэ два кандыдаты не змаглі атрымаць сертыфікат на права быць выбраным.

У выніку Халіма Якаб стала адзіным прэтэндэнтам на вышэйшую дзяржаўную пасаду. Згодна з заканадаўствам, у такой сітуацыі кандыдат аўтаматычна аб'яўляецца прэзідэнтам.

Варта адзначыць, што фактычна Сінгапурам кіруе прэм'ер-міністр. Прэзідэнт мае права вета пры разглядзе праекта бюджэту, назначэнняў ва ўрадзе, прашэнняў аб памілаванні асуджаных злачынцаў. Ён жа з'яўляецца захавальнікам золатавалютных запасаў.-0-

Версія для друку
Навіны рубрыкі У свеце
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.