12 ліпеня, Астана /БЕЛТА - КАЗІНФАРМ/. Прэзідэнт Казахстана Нурсултан Назарбаеў падпісаў закон "Аб унясенні змяненняў і дапаўненняў у некаторыя заканадаўчыя акты Рэспублікі Казахстан па пытаннях іх прывядзення ў адпаведнасць з нормамі Канстытуцыі Рэспублікі Казахстан", які прадугледжвае пазбаўленне грамадзянства за тэрарызм. Аб гэтым паведамляе МІА "Казінфарм" са спасылкай на прэс-службу Акорды.
Пазбаўленне грамадзянства прадугледжваецца па 14 складах асабліва цяжкіх тэрарыстычных злачынстваў, прадугледжаных у 10 артыкулах Крымінальнага кодэкса. Напрыклад, за акт тэрарызму, стварэнне і кіраванне тэрарыстычнай групай і ўдзел у яе дзейнасці. Да злачынстваў, у выніку ўчынення якіх прычыняецца цяжкая шкода нацыянальным і жыццёва важным інтарэсам Рэспублікі Казахстан, аднесены 16 складаў злачынстваў, прадугледжаных у 11 артыкулах Крымінальнага кодэкса. Напрыклад, генацыд, сепаратысцкая дзейнасць, стварэнне, кіраванне экстрэмісцкай групай або ўдзел у яе дзейнасці і іншыя.
Гэта мера пакарання будзе назначацца судом у выключных выпадках на аснове поўнага вывучэння акалічнасцей справы, цяжару ўчыненых дзеянняў і цяжару наступстваў.-0-