21 жніўня, Бішкек /БЕЛТА - Кабар/. Прэм'ер-міністр Кыргызстана Сааранбай Жээнбекаў сёння на пасяджэнні ўрада заявіў, што выходзіць у адстаўку ў сувязі з тым, што балаціруецца ў прэзідэнты краіны.
"Сёння пасля абеду я маю намер падаць заяву аб выхадзе ў адстаўку на імя прэзідэнта Кыргызстана Алмазбека Атамбаева", - сказаў ён.
Таксама Сааранбай Жээнбекаў паведаміў, што за час работы ўрада пад яго кіраўніцтвам былі выкананы пастаўленыя задачы.
Сёння ЦВК зарэгістравала Сааранбая Жээнбекава ў якасці кандыдата на пасаду прэзідэнта. Ён з'яўляецца кандыдатам у прэзідэнты ад Сацыял-дэмакратычнай партыі Кыргызстана (СДПК).
Выбары прэзідэнта Кыргызстана адбудуцца 15 кастрычніка 2017 года.-0-