19 кастрычніка, Мінск /Кар. БЕЛТА/. Дзяржаўная выбарчая камісія (ДВК) Чарнагорыі пацвердзіла перамогу кіруючай Дэмакратычнай партыі сацыялістаў (ДПС) на чале з дзеючым прэм'ер-міністрам краіны Міла Джуканавічам на праведзеных 16 кастрычніка парламенцкіх выбарах. Як паведамляе ТАСС, афіцыйныя вынікі выбараў, якія пакуль яшчэ лічацца папярэднімі, ДВК агучыла напярэдадні вечарам - праз двое сутак пасля закрыцця выбарчых участкаў.
Паводле даных ДВК, партыя Джуканавіча атрымлівае 36 мандатаў у парламенце, які складаецца з 81 дэпутата. У апазіцыйнага "Дэмакратычнага фронту" 18 мандатаў, ва ўмерана апазіцыйнай "Вялікай кааліцыі - "Ключ" дзевяць мандатаў. У двух іншых умерана апазіцыйных палітычных утварэнняў - "Дэмакраты" і Сацыял-дэмакратычная партыя - восем і чатыры мандаты адпаведна.
У сацыял-дэмакратаў, якія падтрымліваюць ДПС, - два мандаты. Партыі нацыянальных меншасцей, якія падтрымліваюць кіруючую ДПС, атрымалі чатыры мандаты: два ў Башняцкай партыі і па адным у "Албанцаў рашуча" і "Харвацкай грамадзянскай ініцыятывы".
Чарнагорская апазіцыя ўжо заявіла, што не прызнае вынікаў выбараў.
Папярэднія парламенцкія выбары ў Чарнагорыі адбыліся 14 кастрычніка 2012 года. Дэпутаты чарнагорскага парламента выбіраюцца на чатыры гады.-0-