25 ліпеня, Мінск /Кар. БЕЛТА/. Пажары на паўднёвым усходзе Францыі знішчылі больш як 3 тыс. га лесу, паведамляюць інфармагенцтвы.
Найбольшы ўрон пажары нанеслі дэпартаментам Верхняя Корсіка, Ваклюз, Прыморскія Альпы і Вар. Мясцовыя ўлады ў мэтах бяспекі правялі эвакуацыю больш як 200 дамоў. Таксама паведамляецца, што 15 ратавальнікаў, якія ўдзельнічалі ў эвакуацыі, атруціліся чадным газам. Акрамя таго, чацвёра пажарных атрымалі лёгкія апёкі.
Пажары на паўднёвым усходзе Францыі ўзніклі ў выніку засухі.-0-
