15 лістапада, Мінск /Кар. БЕЛТА/. Праліўныя дажджы прывялі да паводак у Грэцыі, загінулі як мінімум пяць чалавек, паведамляе ТАСС.
Загінулыя - тры мужчыны і дзве жанчыны - пражывалі ў грэчаскім горадзе Мандра.
Пад удар стыхіі таксама трапілі горад Неа-Перамас і востраў Сімі. Так, у Неа-Перамасе з-за паводкі мноства людзей застаюцца заблакіраванымі ў сваіх дамах. Улады аб'явілі рэжым надзвычайнага становішча.
На востраве Сімі шторм разбурыў дамы і пашкодзіў лініі электраперадачы. На востраве парушана водазабеспячэнне.-0-