7 жніўня, Мінск /Кар. БЕЛТА/. Пасажырскі аўтобус перавярнуўся ў раёне горада Ростак у Германіі, пацярпелі 16 чалавек, паведамляе нямецкая газета Bild.
Паводле даных паліцыі, аўтобус з'ехаў з дарогі ў роў і перавярнуўся. Прычыны аварыі пакуль не ўстаноўлены. Паводле папярэдняй інфармацыі, шэсць чалавек атрымалі сур'ёзныя раненні.
Шаша, на якой здарылася аварыя, часова перакрыта.-0-