Сцяг Чацвер, 28 сакавіка 2024
Усе навіны
Усе навіны
У свеце
02 мая 2018, 19:55

Парашэнка даручыў на працягу тыдня ўнесці прапановы аб адкліканні ўкраінскіх прадстаўнікоў з СНД

2 мая, Мінск /Кар. БЕЛТА/. Прэзідэнт Украіны Пётр Парашэнка даручыў кіраўніку ўкраінскага МЗС Паўлу Клімкіну на працягу тыдня ўнесці прапановы аб адкліканні ўкраінскіх прадстаўнікоў з каардынацыйных органаў СНД, паведамляе ТАСС.

Паводле слоў Пятра Парашэнкі, такім чынам краіна спыніць удзел у каардынацыйных органах Садружнасці. Пры гэтым ён падкрэсліў, што гэта не азначае выхад з СНД, паколькі Украіна ў яе ніколі не ўваходзіла.

12 красавіка Пётр Парашэнка прапанаваў ураду падрыхтаваць дакумент аб афіцыйным спыненні ўдзелу Украіны ў СНД, даручыўшы кабінету міністраў пачаць працэдуру афіцыйнага выхаду Украіны з устаноўчых органаў СНД. У сваю чаргу старшыня Выканаўчага камітэта - выканаўчы сакратар СНД Сяргей Лебедзеў 23 красавіка паведаміў, што краіна пакуль не прадставіла афіцыйнага паведамлення аб намеры выйсці з органаў Садружнасці.

Украіна ў снежні 1991 года ратыфікавала пагадненне аб стварэнні СНД і пратакол да пагаднення, але не ратыфікавала статут Садружнасці, таму дэ-юрэ так і не стала членам СНД. Кіеў тым не менш прымаў удзел у рабоце арганізацыі, хоць і не на ўсіх узроўнях. У 2014 годзе, пасля змены ўлады ў Кіеве, новае кіраўніцтва краіны заявіла, што пачынае працэс выхаду з СНД. У кастрычніку таго ж года ў Вярхоўную раду быў унесены адпаведны законапраект, але да апошняга часу ён так і не быў разгледжаны.-0-

Падпісвайцеся на нас у
Twitter
Топ-навіны
Свежыя навіны Беларусі