17 кастрычніка, Мінск /Кар. БЕЛТА/. Шторм "Афелія" абрушыўся на Ірландыю, загінулі два чалавекі, каля 360 тыс. дамоў засталося без электрычнасці, паведамляе ТАСС.
Міжнародны аэрапорт Дубліна аб'явіў аб адмене 130 рэйсаў. У сталіцы таксама спынена работа гарадскога транспарту, паліцыя заклікала гараджан адмовіцца ад выкарыстання аўтамабіляў і без асаблівай неабходнасці не пакідаць свае дамы.
Цяпер парывы ветру ў зоне штармавога фронту дасягаюць 200 км/гадз. Метэаролагі ўжо назвалі ўраган найбольш значным пагодным катаклізмам у Ірландыі за апошнія 50 гадоў.-0-