8 снежня, Масква /БЕЛТА - ТАСС/. Мытны кодэкс Еўразійскага эканамічнага саюза (ЕАЭС) плануецца зацвердзіць на саміце ў Санкт-Пецярбургу 26 снежня. Аб гэтым паведаміў прэзідэнт Расіі Уладзімір Пуцін на сустрэчы з кіраўніком Калегіі Еўразійскай эканамічнай камісіі Тыгранам Саркісянам.
"Мы чакаем вас 26 снежня ў Санкт-Пецярбургу. Трэба будзе зацвердзіць новы Мытны кодэкс, што таксама, на мой погляд, з'яўляецца важнейшай вяхой на шляху фарміравання нашай адзінай эканамічнай прасторы", - звярнуўся Уладзімір Пуцін да Тыграна Саркісяна.-0-