8 верасня, Мінск /Кар. БЕЛТА/. Прэзідэнт Украіны Пётр Парашэнка заявіў, што мінскія пагадненні далі магчымасць знізіць узровень баявых дзеянняў у рэгіёне, паведамляюць РІА Навіны.
"Яны не ідэальныя, яны прымаліся ў вельмі складаных для Украіны ваенна-палітычных умовах. Яны не прынеслі пастаяннага міру. Але застаецца бясспрэчным той факт, што менавіта дзякуючы мінскім дамоўленасцям нам удалося значна знізіць узровень баявых дзеянняў і чалавечых страт у Данбасе", - заявіў Пётр Парашэнка сёння ў час штогадовага звароту да парламента.
Як паведамляе ТАСС, прэзідэнт Украіны таксама адзначыў, што разгортванне міратворчай місіі ААН на тэрыторыі Данбаса стала б рэальным прарывам ва ўрэгуляванні канфлікту. Паводле слоў Пятра Парашэнкі, украінскі бок гатовы да прадметнай размовы з членамі Савета Бяспекі ААН.-0-