28 жніўня, Мінск /Кар. БЕЛТА/. Колькасць загінулых у выніку падзення аўтобуса ў мора ў Краснадарскім краі (Расія) узрасла да 19 чалавек. Аб гэтым паведамілі ў медыцынскіх службах рэгіёна, інфармуе ТАСС.
"У бальніцы памёр адзін з пацярпелых. Яго стан быў вельмі цяжкім. Урачы нічога не змаглі зрабіць. Такім чынам, агульная колькасць загінулых складае 19 чалавек", - паведаміла крыніца ў медслужбах.
Раніцай 25 жніўня ў Цямрукскім раёне Краснадарскага края аўтобус, які вяртаўся з вахты і перавозіў рабочых падраднай арганізацыі і кампаніі ЗАТ "Таманьнафтагаз", упаў у Чорнае мора. Падрадная арганізацыя займалася будаўніцтвам пірса, што прыналежыць ЗАТ "Таманьнафтагаз". Асобы ўсіх загінулых устаноўлены. У бальніцах застаюцца каля 30 пацярпелых. Згодна з папярэднімі данымі, аварыя здрылася з-за няспраўнасці ў тармазной сістэме аўтобуса. 26 жніўня ў Краснадарскім краі было аб'яўлена днём жалобы.-0-
