22 чэрвеня, Мінск /Кар. БЕЛТА/. Замініраваны аўтамабіль узарваўся сёння каля аддзялення банка ў горадзе Лашкаргах на поўдні Афганістана, загінулі 29 чалавек, перадае ТАСС.
Раней паведамлялася пра 15 загінулых і 50 параненых.
Узрыў прагрымеў у той момант, калі ля банка сфарміравалася чарга з мясцовых жыхароў, якія прыйшлі за заработнай платай. У ліку забітых і параненых як ваеннаслужачыя, так і грамадзянскія асобы.
Адказнасць за ўзрыў пакуль не ўзяла на сябе ніводная з дзеючых у рэгіёне тэрарыстычных груповак.-0-