4 верасня, Мінск /Кар. БЕЛТА/. Колькасць загінулых пры ўзрыве на фабрыцы па вытворчасці піратэхнікі ў штаце Пенджаб на паўночным захадзе Індыі павялічылася да 20, яшчэ 12 атрымалі траўмы, паведамляе газета Hindustan Times.
Як паведамлялася, узрыў прагрымеў на заводзе, размешчаным у горадзе Батале (акруга Гурдаспур). Раней паступала інфармацыя аб 11 загінулых. Паводле даных індыйскага тэлеканала NDTV, пад заваламі разбуранай фабрыкі могуць знаходзіцца каля 50 чалавек. На месца ЧП накіраваны прадстаўнікі мясцовай адміністрацыі і каманды Нацыянальных сіл рэагавання на стыхійныя бедствы (NDRF).
Выратавальная аперацыя прадаўжаецца. Праваахоўныя органы ўстанаўліваюць прычыны здарэння.-0-
