16 сакавіка, Мінск /Кар. БЕЛТА/. Колькасць загінулых у выніку абвалу смеццевай звалкі недалёка ад эфіопскага горада Адыс-Абеба павялічылася да 113 чалавек, паведамляюць інфармагенцтвы.
Трагедыя здарылася 11 сакавіка. Паводле папярэдняй інфармацыі, на момант сходу смеццевага апоўзня на тэрыторыі звалкі знаходзіліся 150 чалавек.
Пошукавая аперацыя прадаўжаецца. Раней паведамлялася, што з-пад завалаў былі выратаваны 37 чалавек.
Звалка больш за 50 гадоў служыла не толькі месцам для адходаў, але і прыстанішчам для некаторых людзей. Пасля абвалу разам са смеццем пад зямлёй апынулася шмат самаробных дамоў. Паводле слоў улад, 350 чалавек, якія пражывалі на смеццевым палігоне, былі перамешчаны.
У краіне прыспушчаны дзяржаўныя сцягі ў сувязі з трохдзённай жалобай.-0-