19 чэрвеня, Мінск /Кар. БЕЛТА/. Колькасць прапаўшых без вестак у выніку пажару ў вышынным доме Grenfell Tower у Лондане ўзрасла да 79 чалавек. Аб гэтым паведаміў сёння прадстаўнік Скотланд-Ярда Сцюарт Кандзі, паведамляюць інфармагенцтвы.
"Па стане на раніцу 19 чэрвеня 79 чалавек лічацца прапаўшымі без вестак і, павінен са шкадаваннем прызнаць, магчыма, загінуўшымі", - сказаў ён.
Сёння паліцыя Лондана апублікавала фота і відэа, якія паказваюць, як выглядае ўнутры згарэлы ў брытанскай сталіцы вышынны будынак Grenfell Tower. На матэрыялах відаць абгарэлыя ліфты, лесвічныя клеткі, кватэры.
Пажар у жылым 24-павярховым доме Grenfell Tower у Лондане ўспыхнуў у ноч на 14 чэрвеня. У будынку пражывалі да 600 чалавек. Агонь хутка распаўсюдзіўся з ніжніх паверхаў да самага верху будынка. Цяпер спецыялісты ўсё яшчэ прадаўжаюць абследаваць будынак. На гэты момант вядома, што загінуўшымі ў агні лічацца мінімум 30 чалавек, 24 пацярпелыя знаходзяцца ў шпіталях, з іх 12 - у крытычным стане.-0-
