Мабільная версія
ДЗЯРЖОРГАНЫ
Апошнія навіны
Усе навіны

Колькасць галадаючых у свеце перасягнула 820 млн - ААН

У свеце 11.09.2018 | 17:49
Фото Reuters
Фото Reuters

11 верасня, Мінск /Кар. БЕЛТА/. Колькасць галадаючых у свеце ў 2017 годзе ўзрасла да 821 млн. Згодна з данымі, апублікаванымі ў дакладзе ААН "Аб харчовай бяспецы і харчаванні ў свеце ў 2018 годзе", кожны дзявяты чалавек на планеце недаядае, паведамляе амерыканская інфармацыйная служба CNN.

Паведамляецца таксама, што ў 2017 годзе 50,5 млн дзяцей мелі недастатковую масу цела і адхіленні ў развіцці з-за недаядання.

На думку спецыялістаў, харчовы крызіс у свеце ўзмацняецца сур'ёзнымі кліматычнымі змяненнямі. Прыродныя катаклізмы, у тым ліку засухі і паводкі, негатыўна ўплываюць на сельскую гаспадарку. Змяненні клімату ў трапічных і ўмераных рэгіёнах падрываюць вытворчасць асноўных сельскагаспадарчых культур, такіх як пшаніца, рыс і кукуруза. З-за глабальнага пацяплення сітуацыя будзе пагаршацца, што ў сваю чаргу паўплывае на павелічэнне колькасці галадаючых. Такая тэндэнцыя ставіць пад пагрозу мэту ААН па выкараненні голаду ў свеце да 2030 года.

Напярэдадні Генеральны сакратар ААН Антоніу Гутэрыш у сваім выступленні, апублікаваным на сайце Арганізацыі Аб'яднаных Нацый, заявіў, што з-за глабальнага змянення клімату сучасны свет блізкі да кропкі незвароту.

"Чым хутчэй будзе мяняцца клімат, тым цяжэй нам будзе сябе пракарміць. Імклівае знікненне флоры і фаўны прывядзе да дэградацыі экасістэм. Усё больш людзей будуць вымушаны пакідаць свае дамы, паколькі яны больш не змогуць пракарміцца на сваёй зямлі", - заявіў Антоніу Гутэрыш. Ён падкрэсліў, што ў гэтых умовах пераход на разумныя метады зялёнай эканомікі з'яўляецца лепшым выйсцем для чалавецтва.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Распрацоўкі маладых вучоных у Беларусі Агульная колькасць студэнтаў у ВНУ Беларусі складае амаль 284,3 тыс. чалавек. Колькасць студэнтаў, занятых у навуковых даследаваннях, складае каля 65 тыс.чалавек.