1 верасня, Мінск /Кар. БЕЛТА/. Колькасць загінулых у выніку абрушэння жылога будынка ў індыйскім горадзе Мумбаі ўзрасла да 33 чалавек, перадаюць інфармагенцтвы. Раней у спісе загінулых значыліся 16 чалавек.
Пяціпавярховы жылы будынак абрушыўся напярэдадні. СМІ праведамлялі, што пад заваламі могуць знаходзіцца больш за 30 чалавек. Пошукава-выратавальная аперацыя на месцы трагедыі прадаўжаецца. Паводле інфармацыі праваахоўных органаў, за суткі ўдалося выратаваць 47 жыльцоў, 13 з іх атрымалі сур'ёзныя траўмы і былі шпіталізаваны.
Афіцыйная прычына здарэння пакуль не ўстаноўлена, аднак паліцыя мяркуе, што абрушэнне магло здарыцца з-за актыўных рамонтных работ і перапланіроўкі кватэр, а таксама ў сувязі з моцнымі ліўнямі, што ідуць у штаце Махараштр апошнія дні.
Па справе аб абрушэнні дома арыштаваны адзін чалавек. Паводле даных паліцыі, арандатар будынка Ашок Мехта, не папярэдзіўшы ўлады, змяніў структуру памяшканняў. Ён паўстане перад судом.-0-