Мабільная версія
ДЗЯРЖОРГАНЫ
Апошнія навіны
Усе навіны

КНДР і Рэспубліка Карэя цалкам аднавілі заходнюю лінію сувязі паміж ваеннымі

У свеце 17.07.2018 | 11:30
Фота з архіва
Фота з архіва

17 ліпеня, Сеул /БЕЛТА - Рэнхап/. КНДР і Рэспубліка Карэя цалкам аднавілі работу заходняй лініі сувязі паміж узброенымі сіламі дзвюх краін, паведамляе паўднёвакарэйскае Міністэрства абароны.

Паводле слоў афіцыйнага прадстаўніка, гэты крок будзе садзейнічаць зніжэнню напружанасці на Карэйскім паўвостраве, служыць умацаванню даверу паміж дзвюма краінамі.

Работа заходняй лініі сувязі была спынена ў 2016 годзе пасля таго, як улады КНДР спынілі работу размешчанай на поўначы сумеснай з Рэспублікай Карэя прамысловай зоны Кэсон. Аднак тэлефонная сувязь была адноўлена ў студзені бягучага года перад Алімпійскімі гульнямі ў Пхёнчхане, у якіх таксама прымалі ўдзел спартсмены з КНДР.

Акрамя таго, будзе адноўлена і ўсходняя лінія сувязі, функцыянаванне якой прыпынена ў 2011 годзе на фоне ваеннай напружанасці паміж дзвюма карэйскімі дзяржавамі, а канчаткова сувязь выйшла са строю ў выніку ляснога пажару ў 2013-м.

Дамоўленасці аб поўным аднаўленні ваеннай лініі сувязі, якая дае магчымасць падтрымліваць камунікацыю па тэлефоне і факсе, прадстаўнікі дзвюх краін дасягнулі на першых за 10 гадоў ваенных перагаворах, праведзеных 14 чэрвеня на паўночным баку пагранічнага пункта Пханмунджом.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).