18 верасня, Мінск /Кар. БЕЛТА/. На чыгуначнай станцыі каля Варшавы знойдзена міна часоў Другой сусветнай вайны, якая не разарвалася. Рух паяздоў у раёне інцыдэнту спынены, паведамляюць інфармагенцтвы.
Боепрыпас быў знойдзены ў час рамонтных работ на чыгунцы. Цяпер на месцы ЧП працуюць сапёры.
Пасажыраў праінфармавалі аб прыпыненні руху паяздоў у паўночным напрамку. У прыватнасці, паязды, якія накіроўваюцца ў Гданьск, спыняюцца на вакзале Варшава Усходняя.-0-
