27 ліпеня, Мінск /БЕЛТА - ТАСС/. Камісія ізраільскага парламента па адукацыі зацвердзіла законапраект аб святкаванні ў краіне Дня Перамогі над нацысцкай Германіяй 9 мая, паведамляе БЕЛТА.
Адпаведная заява размешчана на афіцыйным сайце ведамства.
"Сёння мы аддаём даніну памяці гераізму воінаў краін антыгітлераўскай кааліцыі і асабліва гераізму воінаў-яўрэяў. Многія пажылыя рэпатрыянты былі салдатамі і афіцэрамі на франтах Другой сусветнай вайны, і сёння мы аддаём належнае іх мужнасці і гераізму", - растлумачыў рашэнне адзін з аўтараў законапраекта дэпутат парламента Адэд Фарэр.
У ліку палажэнняў законапраекта - штогадовае святкаванне Дня Перамогі саюзнікаў над нацысцкай Германіяй і вывучэнне тэмы перамогі над Германіяй у часцях арміі абароны Ізраіля і сярэдніх школах. Адзначаецца, што ў школах яўрэйскага рэлігійнага сектара свята па распараджэнні міністра адукацыі могуць адзначаць па яўрэйскім календары - 26 іяра.-0-