5 снежня, Мінск /Кар. БЕЛТА/. Дзве ракеты былі запушчаны ў ноч на 5 снежня па тэрыторыі рэгіянальнага савета Эшколь на поўдні Ізраіля з прыгранічных раёнаў Егіпта на Сінайскім паўвостраве. Аб гэтым паведамляюць інфармагенцтвы са спасылкай на прэс-службу ізраільскай арміі.
"Пасля сігналу аб паветранай трывозе ў акрузе Эшколь ідэнтыфікавана запушчаная з Сінайскага паўвострава ракета", - праінфармавалі ваенныя. Паводле іх слоў, пацярпелых і разбурэнняў у выніку абстрэлу няма. Прыкладна праз гадзіну пасля паведамлення аб першым запуску была заўважана яшчэ адна выпушчаная ў тым жа напрамку ракета. Яна ўпала ў акрузе Эшколь на захад ад Беэр-Шэвы і не нанесла ўрону.
Раней (15 кастрычніка) з тэрыторыі Сіная па Эшколю былі запушчаны таксама дзве ракеты. Пазней адказнасць за абстрэл узяла на сябе экстрэмісцкая групоўка "Ісламская дзяржава".-0-
