25 жніўня, Мінск /Кар. БЕЛТА/. Ігар Лукшыч з Чарнагорыі зняў сваю кандыдатуру на пасаду Генеральнага сакратара ААН, паведамляе БЕЛТА са спасылкай на Цэнтр навін ААН.
Намеснік прэм'ер-міністра і міністр замежных спраў і еўрапейскай інтэграцыі Чарнагорыі абяцаў, што ў выпадку выбрання кіраўніком ААН ён будзе дабівацца гендарнай роўнасці, умацавання механізмаў абароны правоў чалавека і супрацоўніцтва з рэгіянальнымі партнёрамі. Аднак на днях ён аб'явіў, што не будзе змагацца за пасаду Генеральнага сакратара ААН.
На гэты час на пасаду Генеральнага сакратара ААН афіцыйна прэтэндуюць 10 кандыдатаў. Шэсць з іх - з Усходняй Еўропы: Срджан Керым з былой югаслаўскай Рэспублікі Македонія, Даніла Цюрк са Славеніі, Ірына Бокава з Балгарыі, Наталля Герман з Рэспублікі Малдова, Вук Ерэміч з Сербіі і Міраслаў Лайчак са Славеніі. У спісе кандыдатаў таксама Антоніу Гутэрыш з Партугаліі, Хелен Кларк з Новай Зеландыі, Сусана Малькора з Аргенціны і Крысціяна Фігерэс з Коста-Рыкі.
Кандыдатуру новага кіраўніка ААН зацвярджае Генеральная асамблея па рэкамендацыі Савета бяспекі. На гэты момант у Савеце бяспекі прайшлі ўжо два раўнды галасавання. Трэці раўнд запланаваны на 29 жніўня.-0-
