16 студзеня, Мінск /Кар. БЕЛТА/. У Кыргызстане пад Бішкекам грузавы самалёт упаў на дачны пасёлак, паведамляюць інфармагенцтвы.
Грузавы самалёт турэцкай авіякампаніі MyCargo Airlines, таксама вядомай як ACT Airlines, упаў сёння ноччу паблізу аэрапорта Манас на дачны пасёлак пад Бішкекам. У выніку загарэлася два жылыя дамы.
На месца крушэння прыбылі пажарныя і тры брыгады хуткай дапамогі. Паводле апошніх даных, шпіталізаваны пяць чалавек, у тым ліку трое дзяцей.
З-за падзення самалёта аэрапорт Манас у Бішкеку часова закрыты.-0-