6 жніўня, Брусель /БЕЛТА-ТАСС/. Афіны атрымалі апошні транш у памеры 15 млрд еўра па трэцяй праграме макрафінансавай дапамогі. Аб гэтым гаворыцца ў заяве Еўрапейскага стабілізацыйнага механізму (ESM).
"ESM пералічыў Грэцыі апошні транш дапамогі ў памеры 15 млрд еўра", - паведамляецца ў заяве. Згодна з дакументам з гэтай сумы 9,5 млрд еўра будуць выкарыстаны на фарміраванне запасу ліквіднасці Грэцыі і 5,5 млрд - на абслугоўванне знешняй запазычанасці.
Такім чынам, аб'ём падушкі ліквіднасці ў распараджэнні Афін павінен дасягнуць 24 млрд еўра, што забяспечыць патрэбы Грэцыі на працягу 22 месяцаў пасля завяршэння трэцяй праграмы макрафінансавай дапамогі, што афіцыйна адбудзецца 20 жніўня.-0-