13 чэрвеня, Кіеў /БЕЛТА - УКРІНФАРМ/. Еўрапейскі парламент падтрымаў прадастаўленне Украіне чацвёртай праграмы макрафінансавай дапамогі аб'ёмам 1 млрд еўра. Галасаванне адбылося сёння ў Страсбургу.
Савет ЕС адобрыў выдзяленне Украіне 1 млрд еўра ў канцы мая. "Адзін мільярд еўра пазыкі павінен забяспечыць фінансавыя патрэбнасці Украіны на перыяд 2,5 года. Крэдыты будуць садзейнічаць эканамічнай стабілізацыі і рэалізацыі праграмы структурных рэформ, дапаўняючы рэсурсы, выдзеленыя МВФ і іншымі донарамі", - заявілі раней у Савеце ЕС.-0-
