1 жніўня, Мінск /Кар. БЕЛТА/. Еўракамісія гатова прадаставіць Іспаніі экстранную фінансавую дапамогу ў памеры большым за 20 млн еўра для вырашэння праблемы мігрантаў, якія прыбылі з Марока. Аб гэтым паведамляе ТАСС.
Раней кіраўнік Еўракамісіі Жан-Клод Юнкер у тэлефоннай размове з прэм'ер-міністрам Іспаніі Пэдра Санчасам абяцаў Іспаніі ўсебаковую дапамогу ва ўрэгуляванні сітуацыі на заходнім міграцыйным маршруце.
Пакет дапамогі па лініі Еўрапейскага фонду па пытаннях міграцыі і прыстанішча накіраваны ў Іспанію ў сувязі з тым, што цяпер у краіне заблакіраваны больш за 20 тыс. мігрантаў з Марока. У бліжэйшы час трэба будзе вырашыць, ці маюць яны права на прыстанішча ў краінах Еўрасаюза.-0-